Korleis ser eg at barnematprodukt er tilsette vitamin og/eller mineral?

Eksempel – ingrediensliste, maisgraut: maismjøl, maltodekstrin, rapsolje, mineral (di-kalsiumortofosfat, kalsiumkarbonat og jernfumarat), vitamin (tiaminhydroklorid), spor av tørrmjølk

Ingredienslista viser at produktet inneheld mest maismjøl og minst tørrmjølk. Vidare nedover i ingredienslista står det mineral og vitamin. Dette inneber at produktet er tilsett vitamin og mineral. Kva for vitamin og mineral som er tilsette, går også fram. I eksempelet over er vitamina og minerala førte opp med den kjemiske nemninga. Dette blir ofte gjort i ingredienslista (ei oversikt over dei kjemiske namna på vitamin finst nedst på sida).

Kor mykje som er tilsett av dei enkelte vitamina/minerala, går ikkje fram av ingredienslista. Når det gjeld barnemat, er det heller ikkje krav om deklarasjon (merking) av mengda tilsett vitamin/mineral, med unntak av dei vitamina/minerala det er påbod om eit visst minimumsinnhald av. Kor mykje vitamin og mineral det er i produkta, skal gå fram av næringsdeklarasjonen. Den blir ofte fram vist som ein tabell, som her:

Maisgrøt – næringsdeklarasjon

Dersom vitamin eller mineral ikkje er førte opp i ingredienslista, men i næringsdeklarasjonen, er dette det naturlege innhaldet av det aktuelle vitaminet eller mineralet.

I næringsdeklarasjonen skal det totale innhaldet av vitamin og mineral førast opp, det vil seie summen av tilsette vitamin og mineral og mengda av dei vitamina og minerala som finst naturleg. Kor mykje som er tilsett, og kor mykje som finst naturleg, går ikkje fram av tabellen, og det er heller ingen andre stader på pakninga du får informasjon om dette.

Oversikt over vitaminers kjemiske namn